Aaj shaam bahut suhani hai
Lambe hogaye saaye, khatam hui tapish hai
Sab parinde charinde laut aaye
Aa gaye sab apne gharon aur ghoslon main
Aaj jo batoran hai wohi aaj ka sarmaya hai
Kuch ranjishe saath hai
Unhe kahi kho deni hai
Kuch haseen yaadein paayi hai
Unhe zindagi bhar sajona hai
Kahi kisi ka kuch le aaye hai
Kahi kuch chod aaye hai
Jo achhaayi paayi hai
Use lauta deni hai
Jo burayi hisse aayi hai
Use kahi daffna deni hai
Kitna kuch karna tha
Kitna kam ho paya hai
Kahi jeet ka sehra hai
Kahi haar ka shok hai
Kahi hasna tha to
Kahi rona tha
Yehi aaj ka sarmaya hai
Par kal phir seher hogi
Woh bhi nirali, kuch alag, kuch nayi hogi..!!!